The Last Seven Days



"Mapan kan Nanang. Awanen to ur-urayem ..."

"Mapan kan Nanang. Adda kami aminen ditoy abay mo ..." Kasla tultulongan mi metten nga mapan ni Nanang mi, ta ammo mi nga nakasaganan nga pumosay ditoy lubong.

Ti karkararagmi napatgan ti Diyos - Nga dakami amin nga agkakabsat makita mi pay laeng ni Nanang mi kasangwanan nga pumosay ket pinatgan ti Diyos. Tunggal maysa kami nga sumangpet ti inaldaw agingga iti makasangpet kami amin. Uray kasatno ti rigat ken sakitna nga mangsarungkar kadakami, nakita mi pay laeng nga sinarungkaran na kami nga siraqragsak ken si-iisim.

"No map-mapankanto, Nanang, nga saan mo nga malasatan daytoy sakit mo, ania ngay ti bilin mo kada kami nga agkakabsat?" Ket ti sungbatna: "Dadakkel kayon, ammo yo ti ar-aramiden yo." Kasla ibagbagana nga naragsak launay ti rikna na ta dakami nga aqnnak na napagadal na kami amin ken ti kasasaad ti tunggal maysa kadakami ket nasaya-at metten - adda trabaho mi, adda ti balay mi ken adu ti appo na nga mapanawan na.

Uray nakakaladingit iti ipupusay ti nanang mi, iti tunggal maysa kadakami nga agkakabsat, nalag-an ti panagrik-rikna mi gapu ta ti tunggal maysa kadakami nakapag-pakada kami nga nasaya-at ken adda kami amin iti abay na agingga iti maudi nga panagangis na.

Nakita mi nga situtulnog ti ipupusay na, nga in-yawat na iti Diyos ti biagna a sita-talna. Naka-isim nga pimmusay. Maysa nga napa-ut nga angis ket nakakidem nga pimmusay.

"Ay Apo, kaasianak ken pakawanennak," Inyebkasna ti riknana. Managkararag ken dumawat ti pakawan kadagiti nagbasolanna. Mamati ti Diyos nga ti karkararagna paraburan ti Diyos. "Agkompisar ka ti basbasolmon, Nanang," Dinamag ni Apo Padi. "Awan ti basbasolko, Apo." Dayta nga sungbat na ket maypakaammo nga Ni Nanang no ania ti nagbasbasolanna ti Diyos ken dagiti tattao ket nakapagpakawan. Sisasagana nga umawat ti biag a saan nga kinalubongan.

"No madengngegnak, Nanang, ikutim man ti imam ..." Ket kinuti na ti imana a kas panangibaga na nga makadengneg pay laeng. Ngarud, nagpakada kami nga sag-gaysa. Nagsang-sangitken nagyaman kami iti inted na nga biag ken panagserbi na kadakami amin nga padapada